Araz-Naxçıvan", "Turan Tovuz", "Şamaxı" və "Kəpəz" cərimələndi
AFFA İntizam Komitəsinin iclası keçirilib.
"Mediasport" xəbər verir ki, toplantıda bəzi Premyer Liqa klubları cərimə edilib.
Bir neçə futbolçu isə cəzalandırılıb.
QƏRARLAR:
XXXI turun “Araz-Naxçıvan” – “Turan Tovuz” oyununun 78-ci dəqiqəsində “Araz-Naxçıvan” klubunun 29 nömrəli futbolçusu Vanderson Melo ikinci sarıdan qırmızı vərəqə aldığı üçün 1 oyun cəzalansın, “Araz-Naxçıvan” komandası 500 manat cərimə edilsin (maddə 36.5);
“Araz-Naxçıvan” – “Turan Tovuz” oyunu bitdikdən sonra meydançaya kənar şəxslər daxil olduğuna görə “Araz-Naxçıvan” komandası 800 manat cərimə edilsin (maddə 51.2);
“Araz-Naxçıvan” – “Turan Tovuz” oyununda “Turan Tovuz” klubunun azarkeşləri tərəfindən pirotexniki vasitədən istifadə edildiyinə görə “Turan Tovuz” komandası 1500 manat cərimə edilsin (maddə 52.2);
“Şamaxı” – “Kəpəz” oyununun 85-ci dəqiqəsində “Şamaxı” klubunun 12 nömrəli futbolçusu Maykl Tuik ikinci sarıdan qırmızı vərəqə aldığı üçün 1 oyun cəzalansın, “Şamaxı” klubu 500 manat cərimə edilsin (maddə 36.5);
“Şamaxı” – “Kəpəz” oyununda “Kəpəz” klubu tərəfindən ehtiyat skamyaya dəymiş zərər “Kəpəz” klubu tərəfindən ödənilsin (maddə 54);
