"Araz-Naxçıvan"ın UÇL-də oyunlarının təqvimi müəyyənləşdi
UEFA Çempionlar Liqasının əsas mərhələsində mübarizə aparacaq "Araz-Naxçıvan"ın oyunlarının təqvimi açıqlanıb.
Bu barədə "Mediasport"a Azərbaycan Futzal Federasiyasından bildirilib.
Naxçıvan təmsilçisi oktyabrın 27-də Macarıstanın "Uype.t", ertəsi gün Bosniya və Herseqovinanın "Buba Mara" komandaları ilə qarşılaşacaq.
"Qırmızı-ağlar" qrupda son görüşünü oktyabrın 30-da "Piast"a (Polşa) qarşı keçirəcək.
Qeyd edək ki, V qrupun oyunları Polşanın Qlivice şəhərindəki "Prezero Arena"da keçiriləcək.
Qarşılaşmaların başlama saatı hələ açıqlanmayıb.
