Mahir Emreli Düsseldorf səfərində "Fortuna"ya baxımlı qol vurdu
Almaniya 2-ci Bundesliqasında 31-ci turun görüşləri keçirilir.
"Mediasport" xəbər verir ki, Azərbaycan milli komandasının futbolçusu Mahir Emrelinin formasını geyindiyi "Nürnberq" bu dəqiqələrdə "Fortuna" ilə qarşılaşır.
Yığmamızın forvardı Düsseldorf səfərinin ilk hissəsində adını tabloya yazdırmağı bacarıb.
28 yaşlı hücumçu 45+4-cü dəqiqədə uzaq məsafədən gözəl qolla komandasının üstünlüyünü 2 topa çatdırıb - 2:0.
Xatırladaq ki, ötən yaydan Miroslav Klozenin baş məşqçisi olduğu "Nürnberq"də forma geyinən Emreli cari mövsüm liqada 7 qol vurub, 1 məhsuldar ötürmə edib.
