"Tvente" 17 il əvvəl Tofiq Bəhramov adına Respublika stadionunda...
UEFA Konfrans Liqasının pley-off mərhələsində “Qarabağ”la cavab oyunu üçün Bakıya gələcək Niderlandın "Tvente" klubu komandalar arasında 17 il əvvəl baş tutan ilk qarşılaşmanı xatırlayıb.
"Mediasport" xəbər verir ki, klubun rəsmi saytı 2009-cu ildəki iki oyundan ibarət duelin Bakıdakı cavab matçına həsr olunmuş xüsusi yazı dərc edib.
Həmin vaxt komandalar UEFA Avropa Liqasının pley-off mərhələsində üz-üzə gəlmişdi.
Məqalədə qeyd edilib ki, 2009-cu il avqustun 20-də Niderlandda keçirilən ilk görüşdə “Qarabağ” hesabı açsa da, “Tvente” ikinci hissədə Brayan Ruisin dublu və Duqlasın qolu sayəsində 3:1 hesablı qələbə qazanmışdı:
Bir həftə sonra Bakıda keçirilən cavab qarşılaşması isə qolsuz heç-heçə ilə başa çatmış və “Tvente” Avropa Liqasının qrup mərhələsinə yüksəlmişdi.
Xatırladaq ki, “Qarabağ” və “Tvente” həmin dueldən sonra 2014-cü ildə də UEFA Avropa Liqasının pley-off mərhələsində qarşılaşıblar.
Həmin vaxt Bakıda 0:0 hesablı heç-heçə qeydə alınıb, Niderlanddakı cavab görüşü isə 1:1 başa çatıb və səfərdə vurulan qol qaydasına əsasən “Qarabağ” qrup mərhələsinə yüksəlib.
Hazırkı qarşıdurmanın ilk hissəsi Niderlandda keçirilib və “atlılar" səfərdə qələbə qazanıblar - 1:0.
Cavab görüşü avqustun 27-də məhz Tofiq Bəhramov adına Respublika stadionunda baş tutacaq.
