60 ildən sonra Braziliya millisini çalışdıracaq ilk əcnəbi - Ançelotti
Futbol üzrə Braziliya milli komandasının baş məşqçisi müəyyənləşib.
5-qat dünya çempionlarını 60 ildən sonra ilk dəfə əcnəbi mütəxəssis çalışdıracaq.
Braziliya Futbol Konfederasiyası "Real"ın baş məşqçisi Karlo Ançelotti ilə müqavilə bağladıqlarını açıqlayıb.
İtalyan məşqçi ilə anlaşma 2026-ci il dünya çempionatının sonunadək nəzərdə tutulub.
65 yaşlı "Papa Karlo" yeni işinə mayın 26-da başlayacaq.
O, mayın 25-də La Liqada "Real Sosyedad"la matçdan sonra Madrid klubu ilə vidalaşacaq.
Qeyd edək ki, Çempionlar Liqasını 5 dəfə qazanmış Ançelotti İtaliya, İspaniya, Almaniya, Fransa və İngiltərədə çempionluq yaşayıb.
Apenninli iki dəfə UEFA Superkubokunun və Klublararası Dünya Çempionatının qalibi olub.
Ançelotti Braziliya millisinə 1965-ci ildən sonra rəhbərlik edəcək ilk əcnəbi olacaq.
Cənubi amerikalılara rəhbərlik etmiş sonuncu əcnəbi argentinalı Filpo Nunyes idi.
Karlo Braziliya millisinin "sükan"ı arxasında ilk sınağına DÇ-2026-nın seçmə qrup mərhələsi çərçivəsində iyunun 6-da Ekvadorla görüşdə çıxacaq.
"Pentakampeonlar" 5 gün sonra Paraqvay yığması ilə qarşılaşacaqlar.
Mediasport.com.az
