Azərbaycan millisi Avropa çempionatında yarımfinala çıxdı
Minifutbol üzrə Azərbaycan milli komandası Slovakiyada keçirilən Avropa çempionatında yarımfinala yüksəlib.
"Mediasport" xəbər verir ki, yığmamız 1/4 finalda Çexiyanı məğlub edib - 5:2.
Elşad Quliyevin baş məşqçisi olduğu kollektivdən qolları Eşqin Tağıyev (2), Təmkin Xəlilzadə, Ramiz Çovdarov və Məhəmməd Xəlilov vurublar.
Xatırladaq ki, millimiz bunadək qrupda Avstriya (1:0), İtaliya (3:0) və Fransa (3:2), 1/8 finalda isə Qazaxıstan (3:2) üzərində qələbə qazanıb.
