Daha bir komanda dünya çempionatına vəsiqəni təmin etdi
Futbol üzrə Dünya Kuboku-2026-nın Asiya zonası üzrə də seçmə qrup mərhələsi matçları keçirilir.
"Mediasport" xəbər verir ki, daha bir yığma komandanın mundialın final raunduna vəsiqə qazanması məhz burada rəsmiləşib.
A qrupunda yarışan İran futbolçuları ardıcıl 4-cü dəfə dünya çempionatının final mərhələsində iştirak hüququ əldə ediblər.
Komanda buna 8-ci turun Özbəkistanla qarşılaşmasında nail olub.
2:2 hesablı bərabərliklə xal ehtiyatını 20-yə çatdıran İran millisi vəzifənin öhdəsindən vaxtından əvvəl gəlib.
Qeyd edək ki, daha əvvəl Yaponiya yığması da mundiala vəsiqə qazanıb.
DÇ 2026-cı ildə ABŞ, Kanada və Meksikanın birgə ev sahibliyi ilə baş tutacaq.
