Hakimlər üçün seminar keçirilir
AFFA və Naxçıvan Futbol Federasiyasının birgə təşkilatçılığı ilə yerli hakimlər üçün seminar keçirilir.
"Mediasport" xəbər verir ki, iki gün davam edəcək seminarda 16 hakim iştirak edir.
AFFA Hakimlər Komitəsinin üzvü Anar Salmanov və fiziki hazırlıq üzrə baş məşqçi Namiq Quliyevin rəhbərliyi altında Naxçıvandan olan hakimlərə oyun qaydaları haqda məlumat verilir, onlardan fiziki normativlər götürülür.
Qeyd edək ki, Naxçıvanı təmsil edən hakimlər briqadası AFFA-nın bayrağı altında təşkil edilən liqaların oyunlarına təyinat alırlar.
İlk belə təyinat ötən il dekabrın 18-də olub. U-17 Liqasının XIX tur çərçivəsində keçirilən “Neftçi” – “Şamaxı” oyununu Pərviz İbrahimov idarə edib.
Vüsal Xəlilzadə və İlkin Mustafazadə baş hakimin köməkçiləri qismində fəaliyyət göstəriblər.
