Dünya Qadın Seriyası: 3x3 yığmamız Kanadaya məğlub oldu
Basketbolun 3x3 növü üzrə Dünya Qadın Seriyasının final mərhələsinin oyunları davam edir.
"Mediasport" xəbər verir ki, Azərbaycan millisi ilk görüşdə Kanadaya 13:21 hesabı ilə uduzub.
B qrupu çərçivəsində keçiriləcək digər oyunlarda yığmamız saat 13:25-də Niderlandın U-25 millisi ilə qarşılaşacaq.
Daha sonra millimiz saat 16:55-də Rumıniyanın "Rapid" klubu ilə üz-üzə gələcək.
Yarışda qrup qalibləri yarımfinala yüksələcək, 2-3-cü yerlərin sahibləri 1/4 finalda çıxış edəcəklər. Final mərhələsi sabah başa çatacaq.
