"Sabah" Antalyada “Mançester Siti” və “Rayo Valyekano” ilə qarşılaşdı
"Sabah"ın komandaları Türkiyənin Antalya şəhərində “Junior World Cup” beynəlxalq turnirində ilk oyunlarını keçiriblər.
"Mediasport" xəbər verir ki, Nasir Nəsirlinin baş məşqçisi olduğu U-13 İngiltərənin “Mançester Siti” komandası ilə qarşılaşıb.
Görüş rəqibin 5:3 hesablı qələbəsi ilə yekunlaşıb. "Sabah"ın heyətində Elton Məmmədov, Yusif Ağayev və Yusif Fətullayev fərqləniblər.
Şahin Zeynalovun çalışdırdığı U-15 isə İspaniyanın “Rayo Valyekano” komandası ilə bərabərə qalıb - 1:1. Təmsilçimizin qolunu Ayxan İbadov vurub.
