"Turan Tovuz"dan infrastruktur istiqamətində daha bir addım!
Bu gün Tovuz şəhər stadionunda bazanın yeni inzibati binasının açılışını edən "Turan Tovuz" infrastrukturun inkişafı istiqamətində daha bir addım atıb.
"Mediasport"un Tovuza ezam olunmuş əməkdaşı xəbər verir ki, qərb təmsilçisi bölgədə daha bir təlim-məşq bazası inşa etdirəcək.
Yeni təlim-məşq sahəsi rayonun Abulbəyli kəndinin ərazisində yerləşəcək.
Çay qırağında yerləşən 2 hektara yaxın ərazidə ikisi təbii, biri süni örtüklü olmaqla, üç meydança salınacaq.
Tikinti işlərinə yayda start veriləcək.
“Turan Tovuz”un Müşahidə Şurasının rəhbəri Ehtiram Quliyev, AFFA-nın baş katibi Cahangir Fərəcullayev, Peşəkar Futbol Liqasının rəsmiləri və media nümayəndələrinin iştirakı ilə ərazyə tanışlıq turu təşkil edilib.
