Azər Bağırovun "Kəpəz"lə müqaviləsində XÜSUSİ BƏND
"Kəpəz"in Premyer Liqada qalmasını təmin edən Azər Bağırovun Gəncə təmsilçisi ilə müqaviləsində xüsusi bənd var imiş.
Klubdan "Mediasport"a verilən məlumata görə, 2024-cü il sentyabrın 1-də "sarı-göylər"lə minimal maaş qarşılığında anlaşmaya qol çəkən mütəxəssisə əlavə bonus vəd olunub.
Razılaşma müqaviləyə bənd kimi salınıb. Şərt ondan ibarət olub ki, gənc çalışdırıcı "Kəpəz"i liqada saxlasa, 5 min manat mükafat alacaq.
Mütəxəssis gəncəlilərin arzusunu vaxtından əvvəl reallaşdırıb. Qərb təmsilçisi 34 turdan sonra 32 xal toplayaraq mövsümün başa çatmasına iki həftə qalmış elitada yerini qarantiləyib.
Hazırda turnir cədvəlində 8-ci pillədə qərarlaşmış komandanın sonda 7-ci yeri də tutmaq imkanı var.
Xatırladaq ki, yarışın sonuncusu olacağı dəqiqləşən "Səbail" Premyer Liqaya vilə vidalaşıb.
