Azərbaycan çempionatını tərk edəcək komandanın adı dəqiqləşdi
Futbol üzrə Azərbaycan 2-ci Liqasında sonuncu tur start götürüb.
"Mediasport" xəbər verir ki, 26-cı turun ilk oyun günündə 3 matç keçirilib.
Sonuncu yeri tutacaq komandanın adı dəqiqləşib.
İki namizəd - "Lerik" və "Füzuli"nin duelində məğlub olan Qarabağ təmsilçisi çempionatı tərk edəcək və yeni mövsümə AFFA Region Liqasında başlayacaq.
Bütün qarşılaşmalar saat 17:00-a təyin edilib.
Qeyd edək ki, sabah əsas mübarizə çempionluğun taleyini müəyyənləşdirmək olacaq.
Həmçinin, pley-off oynayacaq komandaların adları bilinəcək.
Son turun nəticələrindən asılı olmayaraq, "Şahdağ Qusar", "Şəfa" və "Şimal" 1-ci Liqaya vəsiqəni təmin ediblər.
Azərbaycan 2-ci Liqası. 26-cı tur
20 may (çərşənbə axşamı)
“Füzuli” – “Lerik” 1:0
Şamaxı OİK stadionu
“Kür-Araz” – “Ağdaş” 1:4
Heydər Əliyev adına İmişli şəhər stadionu
“Şimal” – “Göygöl” 2:0
Siyəzən şəhər stadionu
21 may (çərşənbə)
“Şəmkir” – “Sheki City”
Şəmkir OİK stadionu
“Araz Saatlı” – “Hypers Guba”
Saatlı OİK stadionu
“Dinamo” – “Şahdağ Qusar”
Binə qəsəbə stadionu
“Qusar” – “Şəfa”
Neftçi Futbol Mərkəzi (IV meydança)
