"Vacib olan iki oyun keçirdik"

"Vacib olan iki oyun keçirdik"

"Bizim üçün vacib olan iki oyun keçirdik. Əsas məqsədimiz oyun fəlsəfəmizlə futbolçularımızın potensialı arasında düzgün balansı tapmaq idi".

"Mediasport" xəbər verir ki, bu sözləri U-21 Azərbaycan yığmasının baş məşqçisi Rəşad Eyyubov deyib.

Mütəxəssis Omanın U-23 komandası ilə Bakıda baş tutan yoxlama matçları haqda təəssüratlarını bölüşüb:

"Bu oyunlarda nəticədən daha çox meydanda göstərdiyimiz futbol bizim üçün önəmli idi. Bununla belə, hər iki görüşdə hücum futbolu nümayiş etdirərək qələbə qazanmağımız sevindirici haldır.

İndi isə işimizi davam etdirəcək, futbolçularımızın klublarındakı çıxışlarını və inkişafını yaxından izləyəcəyik".

Xatırladaq ki, millimiz hər iki qarşılaşmada qələbə qazanıb - 2:1, 4:2.