Azərbaycan İslam Oyunlarını 59 medalla 10-cu yerdə başa vurdu
Səudiyyə Ərəbistanının paytaxtı Ər-Riyad şəhərində keçirilən VI İslam Həmrəyliyi Oyunlarında yarışlara yekun vurulub.
"Mediasport" xəbər verir ki, Azərbaycan idmançıları son yarış günündə 4 medal qazanıblar.
Komandamız Oyunları ümumilikdə 59 medalla 10-cu sırada tamamlayıb.
Medallardan 9-u qızıl, 19-u gümüş, 31-i isə bürünc mükafat olub.
57 ölkənin təmsil olunduğu İslamiadada 1-ci yeri Türkiyə, ikinci yeri Özbəkistan, üçüncü yeri isə İran komandası tutub.
