Yığmamız Bakıda beynəlxalq turnirdə gümüş medal qazandı

Azərbaycanın yeniyetmə bədii gimnastları Bakıda keçirilən “AGF Trophy” beynəlxalq turnirində uğurla çıxış ediblər.
"Mediasport" xəbər verir ki, Azadə Atakişiyeva və Şəms Ağahüseynovadan ibarət komandamız gümüş medal qazanıb.
Gimnastlarımız dörd çıxışın yekununda 100.000 xalla mükafatçılar sırasına düşüb. Qazaxıstan (100,700) birinci, Gürcüstan (94,950) üçüncü yeri tutub.
Turnirə sabah yekun vurulacaq.