"Zirə" kubokla vidalaşdı, "Neftçi" yarımfinala yüksəldi - YENİLƏNDİ
Futbol üzrə Azərbaycan Kuboku yarışında 1/4 final mərhələsinə yekun vurulub.
"Mediasport" xəbər verir ki, "Zirə"yə cavab oyununda da qalib gələn "Araz-Naxçıvan" finala gedən yolda "Qarabağ"a rəqib olub.
"Neftçi" isə hər iki dueldə "Kəpəz"i məğlub edərək yarımfinalda "Sabah"la qarşılaşmaq imkanı qazanıb.
Dünən baş tutmuş iki cavab görüşündən sonra "Qarabağ" və "Sabah" da yarımfinala vəsiqə əldə ediblər.
Ağdam təmsilçisi "Səbail"i (1:0, 3:1), Masazır klubu isə "Sumqayıt"ı (0:0, 4:0) mübarizədən kənarlaşdırıb.
Azərbaycan Kuboku. 1/4 final. Cavab oyunları
“Zirə” - “Araz-Naxçıvan” 0:2 (ilk oyun - 0:1)
Qollar: Felipe Santos, 3-pen., 45-pen.
Hakimlər: İnqilab Məmmədov, Namik Hüseynov, Rahil Ramazanov, Kamal Umudlu
VAR: Əliyar Ağayev
AVAR: Akif Əmirəli
Hakim-inspektor: Rəhim Həsənov
AFFA nümayəndəsi: Elçin Mehtiyev
Zirə İK stadionu
“Neftçi” - “Kəpəz” 1:0 (ilk oyun - 2:0)
Qol: Bassala Sambu, 27.
Hakimlər: Rəşad Əhmədov, Vüsal Məmmədov, Teymur Teymurov, Tural Qurbanov
VAR: Rəvan Həmzəzadə
AVAR: Kamran Bayramov
Hakim-inspektor: Orxan Məmmədov
AFFA nümayəndəsi: Emin Cəfərov
Neftçi Arena
