"Neftçi" Belarus təmsilçisi ilə Bolqarıstanda qarşılaşacaq
"Neftçi"nin UEFA Avropa Konfrans Liqasının II təsnifat mərhələsində rəqibi müəyyənləşib.
"Mediasport" xəbər verir ki, Yuri Vernidubun komandası bu raundda Belarusun "Dinamo" (Minsk) kollektivi ilə üz-üzə gələcək.
Minsk təmsilçisi I təsnifat mərhələsində Şimali Makedoniyanın "Sileks" komandasını mübarizədən kənarlaşdırıb.
"Ağ-qaralar"ın ilk matçı iyulun 23-də Bakıda, cavab görüşü iyulun 30-da Bolqarıstanın Stara Zaqora şəhərindəki "Beroe" stadionunda baş tutacaq.
Məlum olduğu kimi, Rusiya-Ukrayna müharibəsinə görə Belarus klubları UEFA-nın qərarı ilə ev oyunlarını fərqli ölkələrdə keçirirlər.
