Premyer Liqada birinci tur: "Zirə" evdə "Araz-Naxçıvan"la üz-üzə gəlir
Bu gün Azərbaycan Premyer Liqasında 2025-2026-cı illər futbol mövsümünün birinci turuna yekun vurulacaq.
"Mediasport" xəbər verir ki, sonuncu oyun günündə "Zirə" doğma azarkeşlər önündə "Araz-Naxçıvan"ı qəbul edəcək.
Turun digər görüşlərində "Karvan-Yevlax" - "Qəbələ" (1:1) və "Neftçi" - "Şamaxı" (1:1) duelləri heç-heçə yekunlaşıb.
"Turan Tovuz" "İmişli"ni (1:0), "Sumqayıt" isə "Kəpəz"i (3:0) məğlub edib.
Xatırladaq ki, "Sabah" - "Qarabağ" görüşü ikincilərin avrokubok matçı ilə əlaqədar beynəlxalq oyun qaydalarına əsasən təxirə salınıb.
Azərbaycan Premyer Liqası. 1-ci tur
20:00. "Zirə" - "Araz-Naxçıvan"
Hakimlər: Rəvan Həmzəzadə, Cəmil Quliyev, Kərim Zeynalov, Elvin Bayramov
VAR: Nicat İsmayıllı
AVAR: Asiman Əzizli
Hakim-inspektor: Ömər Paşayev
AFFA nümayəndəsi: Seymur Səlimli
Zirə İdman Kompleksinin stadionu.
