"Qarabağ"ın futbolçusu ötənlərin məşhuru Falkaonu geridə qoydu
“Qarabağ”ın futbolçusu Kamilo Duran unikal göstəriciyə imza atıb.
"Mediasport" xəbər verir ki, vinger bu mövsüm UEFA Çempionlar Liqasında ümumilikdə 5 qol və 1 məhsuldar ötürmə ilə ölkəsinin futbol tarixinə düşüb.
O, 6 qolda birbaşa iştirak edən yeganə kolumbiyalı ünvanına sahib çıxıb.
24 yaşlı cənubi amerikalı həm də ÇL-də bir mövsümdə təsnifatdan başlayaraq 5 qol həddini keçən üçüncü kolumbiyalı olub.
Daha əvvəl həmyerliləri Radamel Falkao və Cekson Martines belə nailiyyət əldə etmişdilər.
Martineslə Luis Dias isə ümumilikdə Çempionlar Liqasında ən çox qol (13) vuran futbolçulardır.
