"Qarabağın" rəqibindən fanatlara: "Bakıya getməyə hazırsınız?"
"Qarabağ"ın UEFA Avropa Liqasının 1-ci təsnifat mərhələsindəki rəqibi "Vestri" azarkeşlərinə müraciət ünvanlayıb.
"Mediasport" xəbər verir ki, İslandiya təmsilçisi sosial şəbəkə hesabında komandanın Ağdam klubu ilə oyunu haqqında paylaşım edərək bunları yazıb:
"Bakıya getməyə hazırsınız?
"Vestri" klubu Azərbaycandakı avrokubok oyunu üçün ən yaxşı səfər variantlarını araşdırır.
Əgər Bakıya futbol səfərinə marağınız varsa, bunu bizə bildirin. Uçuş xərclərinin təxminən 200-250 min İslandiya kronu (2800 - 3500 manat) olacağı gözlənilir.
Şərhlərdə fikrinizi yazın. Sonra bunun mümkün olub-olmadığını birlikdə qiymətləndirərik".
"Atlılar"ın "Vestri" ilə ilk matçı iyulun 9-da Bakıda, cavab görüşü isə iyulun 16-da İslandiyada baş tutacaq.
View this post on Instagram
