UEFA Avropa Konfrans Liqası: "Zirə" "Torpedo"nun qonağı olacaq
Azərbaycanın UEFA Avropa Konfrans Liqasında təmsilçilərindən "Zirə" bu gün yarışın 1-ci təsnifat mərhələsində cavab görüşünə çıxacaq.
"Mediasport" xəbər verir ki, Rəşad Sadıqovun baş məşqçisi olduğu kollektiv Gürcüstan səfərində "Torpedo" ilə qarşılaşacaq.
Oyun Bakı vaxtilə saat 20:00-da başlanacaq.
Xatırladaq ki, komandalar arasında ötən həftə Sumqayıtda keçirilmiş matçda "qartallar" rəqibini 3 cavabsız qolla məğlub edib.
UEFA Avropa Konfrans Liqası. 1-ci təsnifat mərhələsi. Cavab oyunu
20:00 "Torpedo" (Kutaisi, Gürcüstan) - "Zirə" (Azərbaycan)
Baş hakim: Mihali Kapra
Yan xətt hakimləri: İstvan Albert, Bense Belitsa
Dördüncü hakim: Marsel Derdak (hamısı Macarıstan)
