Azərbaycan "Qarabağ"ın son qələbəsilə reytinqdə Rusiyanı keçdi
Çempionlar Liqasının II təsnifat mərhələsində "Şelbörn"ü (İrlandiya) məğlub edərək (3:0, 1:0) turu keçən "Qarabağ" Azərbaycanın UEFA reytinqini xeyli yaxşılaşdırıb.
"Mediasport" xəbər verir ki, Azərbaycan 28-ci pilləyə yüksəlməklə Rusiyanı geridə qoyub.
Ölkəmizin hesabında 18.375 xal mövcuddur.
Klublarımız cari mövsüm ümumilikdə 1.250 əmsal qazanıblar.
3 ildən çoxdur avrokuboklardan kənarlaşdırılan Rusiya 18.299 xalda qalıb.
