CEV Yelena Parxomenkoya ilk dəfə beynəlxalq matç üçün təyinat verdi
Azərbaycanın kişilərdən ibarət voleybol millisinin meneceri Yelena Parxomenko Avropa Voleybol Konfederasiyası (CEV) tərəfindən ilk dəfə beynəlxalq matça təyinat alıb.
"Mediasport" xəbər verir ki, o, qadın voleybolçular arasında keçirilən CEV Kubokunun 1/16 final mərhələsinin oyununda iştirak edəcək.
Azərbaycan millisinin sabiq üzvü noyabrın 27-də İstanbulda keçiriləcək “THY İstanbul” – “Avarca Menorca” (İspaniya) qarşılaşmasında supervayzer kimi hakimlərin işini qiymətləndirəcək.
