Yığmamızın müdafiəçisi Cənubi Koreyada 75-ci oyununu keçirdi
Azərbaycan millisinin futbolçusu Anton Krivotsyuk Cənubi Koreyanın 1-ci Liqasında növbəti oyununa çıxıb.
"Mediasport" xəbər verir ki, müdafiəçinin formasını geyindiyi "Daejon" 22-ci tur çərçivəsində “Qanqvon”un qonağı olub.
Antonun 90 dəqiqə meydanda olduğu qarşılaşmada komandası üstünlüyü əldən verərək heç-heçəyə razılaşıb - 2:2.
Xal ehtiyatını 36-ya çatdıran futbolçumuzun komandası turnir cədvəlinin ikinci pilləsində qərarlaşıb.
Lider "Yonbuk"un 48 xalı var.
Xatırladaq ki, "Daejon"da 2023-cü ildən çıxış edən Krivotsyuk burada 75 oyun keçirib, 3 qol, 2 assist edib.
