Zamiq Əliyevi Super Liqa çempionluğundan bir xal ayırır
Futbol üzrə Albaniya Super Liqasında 35-ci turun oyunları keçirilib.
"Mediasport" xəbər verir ki, Azərbaycan milli komandasının müdafiəçisi Zamiq Əliyevin formasını geyindiyi "Eqnatiya" doğma meydanda "Skenderbeu" ilə üz-üzə gəlib.
Zamiqin 90 dəqiqə meydanda olduğu qarşılaşmada hesab açılmayıb - 0:0.
"Eqnatiya" 59 xalla liderliyini davam etdirir. Super Liqada mövsümün başa çatmasına isə 1 tur qalıb.
Əliyevin komandası aprelin 27-də "Teuta" səfərində azı 1 xal qazansa, Super Liqanın çempionu olacaq.
