Zamiqin komandası Albaniya çempionluğuna doğru addımlayır
Azərbaycan millisinin futbolçusu Zamiq Əliyev Albaniya Super Liqasında növbəti oyununa çıxıb.
"Mediasport" xəbər verir ki, müdafiəçinin formasını geyindiyi çempionatın lideri "Eqnatiya" 32-ci tur çərçivəsində "Biliş"in qonağı olub.
Zamiqin 90 dəqiqə meydanda olduğu qarşılaşmada komandası növbəti qələbəsini qazanıb - 2:0.
Yığmamızın üzvü 66-cı dəqiqədə 66-cı dəqiqədə sarı vərəqə alıb.
1-ci pillədəki mövqeyini möhkəmləndirən "Eqnatiya" xallarının sayını 58-ə çatdıraraq çempionluq yolunda ən yaxın izləyicisi "Dinamo" (Tirana) ilə 4 xallıq fərqi qoruyub.
Super Liqada mövsümün yekunlaşmasına 4 tur qalıb.
