1-ci Liqa təmsilçisi heyətini qabonlu hücumçu ilə gücləndirdi
Azərbaycan 1-ci Liqasında yarışan "Difai" heyətini əcnəbi futbolçu ilə gücləndirib.
"Mediasport" xəbər verir ki, Ağsunu təmsil edən komanda Ondo Uorren-Llyodu transfer edib.
22 yaşlı hücumçu heyətə çempionatın digər təmsilçisi "Zaqatala"dan qoşulub.
Qabonlu forvard karyerası ərzində Moldovanın "Dinamo-Avto" və Fransanın "İstr" klublarında da forma geyinib.
"Difai" liqada hazırda turnir cədvəlində 9 xalla 9-cu pillədə qərarlaşıb.
