AFFA rəsmisi Avroliqanın pley-off qarşılaşmasına təyinat aldı
AFFA baş katibinin beynəlxalq hakimlik və hakimlərin təlim-tədrisi üzrə müşaviri Frank De Blekere UEFA-dan yeni təyinat alıb.
"Mediasport" xəbər verir ki, belçikalı mütəxəssis UEFA Avropa Liqasının pley-off mərhələsində iş başında olacaq.
O, Almaniyada "Ştuttqart" və Şotlandiyanın "Seltik" komandaları arasında keçiriləcək cavab matçında UEFA nümayəndəsi funksiyasını icra edəcək.
Fevralın 26-da keçiriləcək qarşılaşma Bakı vaxtı ilə saat 21:45-də başlanacaq.
