"Qarşıdakı hər oyun final kimi olacaq" - Vensan Abubakar
"Komanda çox yaxşı çalışır. Oyundan-oyuna özünəinam daha da artır. Bunu xüsusi vurğulamaq istəyirəm".
"Mediasport" xəbər verir ki, bunu "Neftçi"nin futbolçusu Vensan Abubakar deyib.
Kamerunlu forvard klub televiziyasına açıqlamasında "ağ-qaralar"ın son turlardakı çıxışı haqda danışıb:
"Düşünürəm ki, eyni ruhda davam etməliyik. Qarşıdakı hər oyuna final kimi yanaşmalıyıq. Oyunda tək hücumçu ilə oynayırdıq, bu, asan deyil.
Hər oyunu təhlil edib yaxşılaşdıra bilərik. Qol epizodları çox yaradırıq, amma bəzən vura bilmirik. Məşqlərdə bunun üzərində çox çalışırıq.
Qarşıdakı hər oyun final kimi olacaq. Çalışacağıq ki, oyunumuzu meydanda göstərək".
Qeyd edək ki, "Neftçi" Premyer Liqada ardıcıl üçüncü qələbəsini dünən Sumqayıtda qazanıb (3:1).
