Azərbaycan milliləri İsveçrə və İsveç yığmaları ilə qarşılaşır
Özbəkistanın Səmərqənd şəhərində keçirilən 46-cı Ümumdünya Şahmat Olimpiadası davam edir.
"Mediasport" xəbər verir ki, ilk iki turda qələbə qazanan Azərbaycan milliləri növbəti oyunlarını bu gün keçirəcəklər.
3-cü turda kişilərdən ibarət komandamız İsveçrə, qadın yığmamız isə İsveçdən olan həmkarları ilə qarşılaşacaq.
Xatırladaq ki, kişi millimiz Mərakeş (4:0) və Filippini (3:1) məğlub edib.
Qadın komandamız Qvatemala və Danimarkadan (hər ikisi 4:0) üstün olub.
İsveçrə sistemi üzrə 11 turdan ibarət olan Ümumdünya Şahmat Olimpiadası sentyabrın 27-də başa çatacaq.
