DÇ-2026: Pley-off mərhələsində finalçı ölkələrin adları məlum oldu
Futbol üzrə Dünya Kuboku-2026-nın Avropa zonası üzrə pley-off mərhələsi start götürüb.
"Mediasport" xəbər verir ki, A, B, C və D yolunda yarımfinal çərçivəsində 8 görüş baş tutub.
Doğma İstanbulda meydana çıxan Türkiyə milli komandası finala yüksəlib.
Yarımfinalı keçən kollektivlər mundiala getmək üçün mini-finalı da uğurla başa vurmalıdırlar.
Martın 31-də 4 yığma adını mundialın final mərhələsinə yazdıracaq.
Xatırladaq ki, tarixdə ilk dəfə 48 ölkənin iştirakı ilə keçiriləcək dünya çempionatına iyunun 11-dən iyulun 19-dək ABŞ, Kanada və Meksika ev sahibliyi edəcək.
DÇ-2026. Avropa zonası. Pley-off mərhələsi. Yarımfinal
A yolu
İtaliya - Şimali İrlandiya 2:0
Uels - Bosniya və Herseqovina 1:1 pen., - 2:4
B yolu
Ukrayna - İsveç 1:3
Polşa - Albaniya 2:1
C yolu
Türkiyə - Rumıniya 1:0
Slovakiya - Kosovo 2:4
D yolu
Danimarka - Şimali Makedoniya 4:0
Çexiya - İrlandiya 2:2 pen., - 4:3
Final
İtaliya - Bosniya və Herseqovina
İsveç - Polşa
Türkiyə - Kosovo
Danimarka - Çexiya
