Millimiz Beynəlxalq İnkişaf Turnirində Özbəkistana da uduzdu
18 yaşadək futbolçulardan ibarət Azərbaycan millisi Belarusda keçirilən Beynəlxalq İnkişaf Turnirində ikinci matçına çıxıb.
"Mediasport" xəbər verir ki, B qrupunda yer alan komandamız Özbəkistanın müvafiq yaş qrupundan ibarət futbolçuları ilə qarşılaşıb.
Minskdə yerləşən yerli futbol federasiyasının məşq meydanında baş tutan görüş rəqibin qələbəsi ilə yekunlaşıb - 3:1.
Xatırladaq ki, yığmamız turnirin ilk matçında Rusiya komandasına böyük hesabla (1:7) uduzmuşdu.
U-18 qrupda son oyununu fevralın 21-də Belarus seçməsinə qarşı keçirəcək.
