Azərbaycan Premyer Liqasında acı mənzərə: 6 oyun 3 stadionda!
Sabah Azərbaycan Premyer Liqasında 2-ci tur start götürəcək.
"Mediasport" xəbər verir ki, ilk oyun günündə iki qarşılaşma baş tutacaq.
Debütant "İmişli" "Neftçi" ilə Şamaxı şəhər stadionunda qarşılaşacaq.
24 avqustda keçirilməsi planlaşdırılan "Şamaxı" - "Sabah" görüşü də həmin stadionda oynanılacaq.
Sabah baş tutacaq "Qarabağ" - "Sumqayıt" dueli ilə yanaşı, "Turan Tovuz" - "Araz-Naxçıvan" matçının da "Azərsun Arena"da keçiriləcəyi dəqiqdir.
Qısası, turun 6 görüşü 3 stadionda reallaşacaq.
2-ci turun oyunlarının keçiriləcəyi stadionlar:
"Qarabağ" - "Sumqayıt" və "Turan Tovuz" - "Araz-Naxçıvan" - "Azərsun Arena"
"İmişli" - "Neftçi" və "Şamaxı" - "Sabah" - Şamaxı şəhər stadionu
"Kəpəz" - "Karvan" və "Qəbələ" - "Zirə" - Qəbələ şəhər stadionu
