"Qarabağ"ın kubok və medallara qovuşacağı tarix müəyyənləşdi
12-ci dəfə Azərbaycan Premyer Liqasının qalibi olan "Qarabağ"ın mükafatlara qovuşacağı tarix müəyyənləşib.
"Mediasport" xəbər verir ki, 2024/2025-ci illər mövsümünün çempionu çempionatın 35-ci turundan sonra - "Azərsun Arena"da mükafatlandırılacaq.
Ağdam klubunun cari mövsüm son ev matçı məhz "Kəpəz"lə oyuna təsadüf edəcək.
Mayın 18-də baş tutacaq qarşılaşma saat 19:00-da başlanacaq.
Qeyd edək ki, Azərbaycan Premyer Liqasının reqlamentinə əsasən, çempion olan komanda birinci yeri vaxtından əvvəl təmin edirsə, komandaya qızıl medallar və kubok sonuncu ev oyunundan təqdim olunur.
