Əliyar Ağayev UEFA Millətlər Liqasında baş hakim olacaq
FİFA hakimi Əliyar Ağayev növbəti beynəlxalq təyinatı alıb.
"Mediasport" xəbər verir ki, referi noyabrın 16-da UEFA Millətlər Liqasının qrup mərhələsinin Qazaxıstan - Slovakiya oyununun baş hakimi olacaq.
Ona yan xətlərdə Zeynal Zeynalov və Akif Əmirəli kömək edəcəklər.
Dördüncü hakim funksiyasını İnqilab Məmmədov yerinə yetirəcəklər.
VAR-da isə Nicat İsmayıllı işləyəcək.
Astana şəhərində yerləşən "Astana Arena"da reallaşacaq matç Bakı vaxtı ilə saat 19:00-da başlanacaq.
