Kurban Berdiyev: "Şanslardan istifadə etsəydik, başqa cür olardı"
"Turan Tovuz" Azərbaycan Premyer Liqasının 30-cu turu çərçivəsində səfərdə "Qarabağ"a uduzub - 1:2.
"Mediasport" xəbər verir ki, qərblilərin baş məşqçisi Kurban Berdiyev matçdan sonra keçirilən mətbuat konfransında jurnalistlərin suallarını cavablandırıb:
- Ümumilikdə ağır oyun oldu. "Qarabağ" matçın çox hissəsində təşəbbüsə yiyələnmişdi. İkinci hissənin əvvəlində buraxılan qol oyunumuza təsir etdi. Sonda cəhdlərimiz oldu ki, vəziyyəti düzəldək. Amma alınmadı.
Denis Marandiçi ilyarımdır yoxdur. Onun sağlamlığı və aqibəti necə olacaq?
- Əməliyyatı yaxşı keçib. Növbəti mövsümə qayıdacağına ümid edirik.
Çoxsaylı real qol epizodlarını qaçırmağınızın səbəbi nədir?
- Fikirləşirəm ki, həyəcanla bağlı idi. Şanslardan istifadə etsəydik, başqa cür olardı.
İkinci yer uğrunda həlledici matç idi. Futbolçularda mübarizliyi, motivasiyanı hiss etdiniz?
- Ona görə dedim ki, həyəcan var idi. Nəzəri baxımdan şansın olması bir az həyəcana səbəb oldu.
