Azərbaycan klubu braziliyalı məşqçi ilə müqavilə bağladı
Qadın voleybolçulardan ibarət “DH Volley” komandasının yeni baş məşqçisi müəyyənləşib.
"Mediasport" xəbər verir ki, bu vəzifəyə Duda Nunyeş gətirilib.
Braziliyalı mütəxəssislə 1 illik müqavilə imzalanıb.
Qeyd edək ki, yeni mövsümdə Çelenc Kubokunda mübarizə aparacaq "DH Volley"in rəqibi Danimarkanın "Holte" klubu olacaq.
Komanda ilk matçını oktyabrın 27-29-da evdə, cavab oyununu isə noyabrın 3-5-də səfərdə keçirəcək.
