DÇ-2026: Azərbaycan millisi İslandiya yığmasını qəbul edir
Futbol üzrə Azərbaycanın əsas milli komandası bu gün DÇ-2026-nın seçmə qrup mərhələsində növbəti görüşünü keçirəcək.
"Mediasport" xəbər verir ki, Ayxan Abbasovun rəhbərlik etdiyi kollektiv D qrupunun 5-ci turunda İslandiya futbolçularını qəbul edəcək.
Matç 8-ci kilometr stadionunda reallaşacaq.
Xatırladaq ki, noyabrın 16-da Respublika stadionunda Fransa yığması ilə üz-üzə gələcək seçməmiz qrupda keçirdiyi 4 matçın 3-də uduzub, 1-də heç-heçə edib.
İslandiya (0:5), Fransa (0:3) və Ukraynaya (1:2) uduzan futbolçularımız sonuncularla Bakıda bərabərə qalıblar (1:1).
Millimiz hazırda 1 xalla 4 komandalı qrupda sonuncudur. Lider Fransanın 10 xalı var.
DÇ-2026. Avropa zonası. Seçmə qrup mərhələsi
21:00 Azərbaycan - İslandiya
Baş hakim: Nikola Dabanoviç
Baş hakimin köməkçiləri: Vladan Todoroviç, Srcan Yovanovi
Dördüncü hakim: Miloş Boşkoviç (Hamısı Monteneqro)
VAR hakimləri: Momçilo Markoviç, Aleksandar Jivkoviç (hər ikisi Serbiya)
Bakı, 8-ci kilometr stadionu.
