Pezeşkian milli komandanın futbolçuları ilə görüş keçirdi
"Dua edirik ki, ləyaqətlə qayıdasınız. Meydanda İranın şöhrəti üçün bütün gücünüzlə çıxış edin".
"Mediasport" SNNTV-yə istinadla xəbər verir ki, bu sözləri İran Prezidenti Məsud Pezeşkian milli komandanın düşərgəsində olarkən futbolçulara deyib.
Dövlət başçısı futbolçulara dünya çempionatında uğurlar arzulayıb.
İran yığması G qrupunda Belçika, Misir və Yeni Zelandiya ilə qarşılaşacaq.
Dünya çempionatı 11 iyun - 19 iyul tarixlərində ABŞ, Kanada və Meksikada keçiriləcək. Turnirdə ilk dəfə 48 komanda iştirak edəcək.
