Millimiz Çanaqqalaya yola düşdü - Oradan Bolqarıstana gedəcəklər
Azərbaycan taekvondoçuları Bolqarıstanın paytaxtı Sofiyada keçiriləcək "Prezident Kuboku"nda iştirak edəcəklər.
"Mediasport" xəbər verir ki, millimiz hazırlıq məqsədilə Çanaqqalaya yola düşüb.
Komandamız Türkiyə yığması ilə birlikdə təlim-məşq toplanışı keçəcək. Takevondoçularımız Bolqarıstana mayın 16-da yola düşəcəklər.
İdmançılara böyüklərdən ibarət milli komandanın baş məşqçisi Məmməd Abdullayev, komandanın böyük məşqçisi Elnur Amanov və məşqçi Günay Zeynalova rəhbərlik edirlər.
Mayın 16-da başlanacaq "Prezident Kuboku"nda ölkəmiz 15 idmançı (11 kişi, 4 qadın) ilə təmsil olunacaq.
