"Qarabağ" Gənclər Liqasında "Liverpul" və "Ayntraxt"la oynamayacaq
"Qarabağ"ın 19 yaşadək komandasının (U-19) UEFA Gənclər Liqasında oyunlarının reqlamenti açıqlanıb.
"Mediasport" xəbər verir ki, təmsilçimiz Almaniyanın "Ayntraxt" və İngiltərənin "Liverpul" komandaları ilə qarşılaşmayacaq.
Gənclər Liqasının reqlamentinə əsasən, Çempionlar Liqası yolu ilə gedən komandaların gəncləri yalnız Çempionlar Liqasında ilk 6 matçındakı rəqiblərin U-19 komandaları ilə qarşılaşa bilərlər.
"Qarabağ" U-19-unun təqvimi
16-18 sentyabr
Lissabon. "Benfika" (Portuqaliya) – "Qarabağ"
30 sentyabr - 1 oktyabr
Bakı. "Qarabağ" – "Kopenhagen" (Danimarka)
21-22 oktyabr
Bilbao. "Atletik" (İspaniya) – "Qarabağ"
4-5 noyabr
Bakı. "Qarabağ" – "Çelsi" (İngiltərə)
25-26 noyabr
Neapol. "Napoli" (İtaliya) – "Qarabağ"
9-10 dekabr
Bakı. "Qarabağ" – "Ayntraxt" (Almaniya)
Bu mərhələdə ilk 22 komanda 3-4 fevralda keçiriləcək 1/16 finala vəsiqə qazanacaq.
Qeyd edək ki, UEFA Gənclər Liqasında AFFA Gənclər Liqasında ötən mövsümün çempionu olmuş "Sabah" da iştirak edəcək.
Bu komanda ölkə çempionları yolu ilə mübarizəyə ölkə reytinqinə görə II mərhələdən başlayacaq.
I və II mərhələlərin püşkü sentyabrın 1-də atılacaq. "Sabah" 22 oktyabr və 5 noyabrda potensial rəqibləri ilə III mərhələ uğrunda yarışacaq.
