UEFA prezidenti onların xatirəsinə bir dəqiqəlik sükut elan etdi - FOTO
Bu ilin yanvar ayında vəfat etmiş "Qarabağ" klubunun fəxri prezidenti Abdulbari Gözəl və ötən ay dünyasını dəyişmiş AFFA-nın sabiq baş katibi Çingiz İsmayılovun xatirəsi Serbiyanın paytaxtı Belqradda keçirilən UEFA-nın 49-cu Konqresində yad olunub.
"Mediasport" xəbər verir ki, UEFA prezidenti Aleksandr Çeferin Avropa futbol ailəsinin üzləşdiyi itkilərlə bağlı tədbir iştirakçılarını məlumatlandıraraq 1 dəqiqəlik sükut elan edib.
Azərbaycanın futbol ailəsi üzvlərindən Elbrus Məmmədov, Sədrəddin Məmmədov və Novil İsmayılovun da adları böyük ekranda göstərilən titrlərdə nümayiş etdirilib.
