Yığmamız Bakıda Portuqaliya millisini qəbul edir - YENİLƏNİR
21 yaşadək futbolçulardan ibarət Azərbaycan millisi bu gün AVRO-2027-nin seçmə mərhələsində növbəti oyununu keçirəcək.
"Mediasport" xəbər verir ki, Rəşad Eyyubovun baş məşqçisi olduğu komanda B qrupunun 7-ci turu çərçivəsində lider Portuqaliyanı qəbul edəcək.
Görüş 8-ci kilometr qəsəbə stadionunda baş tutacaq.
Xatırladaq ki, 5 xalla 6 komandalı qrupda 5-ci olan yığmamız bunadək Cəbəllütariqə qalib gəlib (1:0), Şotlandiya (3:3) və Bolqarıstanla (1:1) heç-heçə edib, Çexiya və Portuqaliyaya isə eyni (0:5) hesablarla uduzub.
AVRO-2027. Seçmə mərhələ. B qrupu. 7-ci tur
15:00 Azərbaycan - Portuqaliya
Baş hakim: Xristos Vergetis olacaq.
Yan xətt hakimləri: Andreas Fotopoulos, Konstantinos Staikos
Dördüncü hakim: Aleksandros Katsikogiannis (hamısı Yunanıstan)
