Azərbaycan milli komandası Bakıdakı DÇ-də 84-cü yeri tutdu
U-15 Azərbaycan milli komandası bu gün Bakıda keçirilən dünya çempionatında sonuncu - 10-cu matçını keçirib.
"Mediasport" xəbər verir ki, Famil Xəlilovun baş məşqçisi olduğu kollektiv Əfqanıstan yığması ilə qarşılaşıb.
Görüşün əsas vaxtı 3:3 hesabı ilə başa çatıb, penaltilər seriyasında rəqib daha dəqiq olub - 3:2.
Beləliklə, Azərbaycan millisi DÇ-də 84-cü yeri tutub.
Xatırladaq ki, futbolçularımız daha əvvəl turnirdə Timor-Lesteyə 6:0, Andorraya 1:0, İsrailə 3:1, Cəbəllütariqə 5:1 və Mozambikə 4:1 hesabları ilə qalib gəliblər, Avstraliyaya 1:3, Haitiyə 0:4, Çiliyə 1:3, Vyetnama isə 2:4 hesabları ilə uduzublar.
DÇ-də dünyanın 189 ölkəsindən FIFA-ya üzv assosiasiyaları təmsil edən komandalar iştirak edirlər.
Bu gün yekunlaşacaq turnirin final görüşü Bakı Kristal Zalında baş tutacaq.
