Azərbaycan millisi "Kəmər və Yol" turnirini dörd medalla başa vurdu
Yeniyetmə boksçulardan ibarət Azərbaycan millisi Çində təlim-məşq toplanışı çərçivəsində “Kəmər və Yol” beynəlxalq turnirinə qatılıb.
"Mediasport" xəbər verir ki, yığmamız Sincan-Uyğur Muxtar Rayonunda 19 ölkənin iştirakı ilə baş tutan yarışı 4 medalla başa vurub.
Boksçularımızdan Haqverdi Həsənov (63 kq) turnirin qalibi olub. O, finalda qazaxıstanlı rəqibinə qalib gəlib.
Səftər Məmmədzadə (+80 kq) gümüş, Raul Heydərli (57 kq) və Adil Zalov (70 kq) bürünc medal qazanıblar.
Milli komandamız MDB Oyunlarına hazırlığı Çində davam etdirir. Yığmamız sentyabrın 1-də Bakıya qayıdacaq.
