Beş boksçumuz Avropa çempionatında medalı təmin etdi

 Beş boksçumuz Avropa çempionatında medalı təmin etdi

Çexiyanın Ostrava şəhərində keçirilən boks üzrə U-19 Avropa çempionatında 1/4 final görüşlərinə yekun vurulub.

"Mediasport" xəbər verir ki, mərhələnin ikinci günündə Azərbaycan millisinin daha bir idmançısı yarımfinala yüksəlib.

Zidan Hümbətov (55 kq) Saşa Menkaronini (İtaliya) məğlub edib – 5:0 (30:26, 30:27, 30:27, 29:28, 30:27). O, yarımfinalda Riza Muhammed Safari (İngiltərə) ilə döyüşəcək.

Bununla da azı bürünc medalı təmin edən boksçularımızın sayı 5-ə yüksəlib.

Bilalhəbaşi Nəzərov (50 kq), Sübhan Babayev (60 kq) və Banuçiçək Nəsirli (48 kq) final uğrunda oktyabrın 7-də mübarizə aparacaqlar.

İlkanə Əhmədova (+80 kq) ilə Zidan Hümbətov isə yarımfinal görüşünə 1 gün sonra çıxacaqlar.