Millimiz Avropa çempionatında Slovakiya yığmasını məğlub etdi
Çimərlik futbolu üzrə Azərbaycan millisi Gürcüstanın Batumi şəhərində keçirilən Avropa çempionatının seçmə mərhələsində (EBSL) ikinci oyununu keçirib.
"Mediasport" xəbər verir ki, B Liqasının B qrupunda yer alan komandamız Slovakiya yığması ilə qarşılaşıb.
Görüş futbolçularımızın 4:2 hesablı qələbəsi ilə yekunlaşıb. Qolları Elçin Qasımov, Kamran Qürbətov, Ramil Əliyev və Orxan Məmmədov vurublar.
Qrupda ilk matçında İngiltərə yığmasını 8:3 hesabı ilə məğlub edən millinin üçüncü qarşılaşması sabah Latviya seçməsinə qarşı olacaq.
