“Qarabağ”ın üzvləri Çempionlar Liqasının ən sürətliləri sırasında
Beynəlxalq İdman Araşdırmaları Mərkəzi (CIES) UEFA Çempionlar Liqasında mübarizəni davam etdirən komandaların futbolçularının oyunlardakı qaçış sürəti ilə bağlı hesabatı açıqlayıb.
"Mediasport" xəbər verir ki, 5 mövqe üzrə 20 futbolçunun adının yer aldığı sıralamada “Qarabağ”ın üzvləri də var.
Mərkəz müdafiəçiləri arasında ən yüksək göstərici Kevin Medinaya məxsusdur. Kolumbiyalı 33,5 kilometr/saatla 12-ci olub.
Cinah müdafiəçilərinin statistikasında Elvin Cəfərquliyev (34,92 kilometr/saat) 6-cı, vingerlərdən Emmanuel Addai (35,87 kilometr/saat) 4-cü, mərkəz hücumçuları arasında isə Kamilo Duran (33,42 kilometr/saat) 12-ci pillədə qərarlaşıb.
Qeyd edək ki, CIES-in hesabatı futbolçuların oyun zamanı çatdığı maksimal sürət və qaçış göstəriciləri əsasında hazırlanıb.
