Almaniyalı vingerin "Zirə"yə keçidi rəsmiləşdi - 2 illik müqavilə
"Zirə" "Şamaxı"nın futbolçusu Leroy Mikelsi transfer edib.
"Mediasport" xəbər verir ki, "qartallar" almaniyalı futbolçu ilə 2 illik müqavilə imzalayıblar.
30 yaşlı vinger karyerası ərzində Almaniyanın "Borussiya-2" (Münhenqladbax), "Sankt Pauli", "Allemania", "Monhaym", "Velbert", "Duysburq", "Türkgücü Münhen", "Rot-Vays Oberhauzen", Bolqarıstanın "Spartak" (Varna) və Səudiyyə Ərəbistanının "Əl Tarayı" klublarında forma geyinib.
Xatırladaq ki, Leroy Mikelsin qardaşları Coy Lens Mikels ("Sabah") və Coy Sleyd Mikels ("Karvan-Yevlax") də Azərbaycan Premyer Liqasında oynayır.
